2011 жылы мектеп бітірген түлектер өздері білім алған алтын ұя – мектепке арнайы келіп, бастауыш сыныпта білім мен тәрбие негізін қалаған сынып жетекшісі А. Әбдіқұлова мен жоғары сыныптарда бағыт-бағдар беріп, өмірге дайындаған сынып жетекшісі Б. Ботабековаға зор құрмет көрсетіп, алғыстарын білдірді. Кездесу барысында түлектер ұстаздарымен жылы әңгіме-дүкен құрып, шәкірттік шақтарын еске алды.
Мектеппен қауышқан сәтте түлектер ұстаздарын ерекше сағынышпен қарсы алып, жүрекжарды лебіздерін білдірді. Сынып жетекшілеріне арнайы сыйлық табысталып, ұстазға деген шынайы құрмет пен алғыс сөздер айтылды.
— Ұстазымыз біз үшін әрдайым ақылдың, мейірімнің, шыдамдылықтың символы болды. Уақыт өтсе де, ол кісінің берген тәлімі мен тәрбиесі өмірімізде үлкен рөл атқарды, — дейді түлектер.
Кездесу жылы жүздесу мен естеліктерге толы әсерлі сәттерге ұласты. Ұстаз бен шәкірт арасындағы байланыс — уақытқа бағынбайтын киелі құндылық екені тағы бір мәрте дәлелденді.
Осындай тәрбиелі, ұлағатты шәкірттеріміздің естен кетпес ілтипаты – біз үшін үлкен қуаныш, ерекше мәртебе.
Шәкірттерімізге рақмет! Жолдарыңыз әрқашан ашық болсын!
